जेठ ११, धनगढी —भारतको लखनउमा सम्पन्न प्रथम इन्डो–नेपाल वोविनाम च्याम्पियनसिपमा धनगढी १५ उर्मा मा रहेको द दरबार स्कुलका २ जना विद्यार्थीहरूले उल्लेखनीय सफलता हासिल गरेका छन्। साथै विद्यार्थी हरुलाइ बिधालय ले नगद सहित सम्मान पनि गरेको छ ।
२०२५ मे १७ देखि १९ सम्म लखनउमा आयोजित प्रतियोगितामा उसु खेलतर्फ द दरबार विद्यालयका काजल बोहरा र प्रान्जल बोहरा स्वर्ण पदक जित्न सफल भएका छन्।
विद्यालयका संस्थापक अध्यक्ष पृथ्वी शाहले विद्यार्थीहरूको सफलताले सिंगो सुदूरपश्चिम र नेपालकै गौरव बढाएको बताउँदै अत्यन्त खुशी लागेको प्रतिक्रिया दिएका छन्।
अध्यक्ष शाहले यस उपलब्धिमा योगदान पुर्याउने प्रशिक्षकहरू, समर्पित शिक्षकगण, अभिभावक, सम्पूर्ण विद्यार्थी तथा शुभचिन्तकप्रति आभार प्रकट गरेका छन्।
