धनगढी – धनगढीको सहिदगेटस्थित होटल जुमेरामा ‘साहित्यमा स्रष्टाहरू’ नामक साहित्यिक कार्यक्रम गरिएको छ।
डोटेली साहित्य प्रतिष्ठान डोटीको आयोजनामा सम्पन्न उक्त कार्यक्रममा विभिन्न साहित्यिक विधामा सिर्जना प्रस्तुत गर्दै स्रष्टाहरूले आफ्नो प्रतिभा प्रस्तुत गरेका थिए।
कार्यक्रममा कविता, गजल, कथा, मुक्तक लगायतका विधामा लेख्दै आएका साहित्यकारहरूको उल्लेखनीय सहभागिता रहेको थियो।
साहित्य र स्रष्टाबीचको सम्बन्धलाई प्रगाढ बनाउने उद्देश्यले कार्यक्रमको आयोजना गरिएको डोटेली साहित्य प्रतिष्ठानका अध्यक्ष अमर खड्काले बताएका छन्।
कार्यक्रममा डोटेली साहित्य प्रतिष्ठानकी सल्लाहकार एवं गजलकार गिता स्मृति कठायत, कवि : तोयनाथ भट्ट, गजलकार : कोपिला शर्मा, समिर ओझा, सत्य उपाध्याय, सिद्ध समर्पण, नवराज बडु र सुदर्शन टेलिभिजनका अध्यक्ष महेशराज बडु लगायतको उपस्थिति रहेको थियो
कार्यक्रममा आयोजक संस्था डोटेली साहित्य प्रतिष्ठान, डोटी सिलगढीले साहित्यको प्रवर्द्धन र संरक्षणमा यस्ता कार्यक्रमको महत्वपूर्ण भूमिका रहने विश्वास व्यक्त गरेको छ।
