धनगढी —सुदूरपश्चिम विश्वविद्यालय अन्तर्गत रहेको कैलाली बहुमुखी क्याम्पस, धनगढीमा सम्पन्न स्वतन्त्र विद्यार्थी यूनियन (स्ववियु) निर्वाचनपछि गठित स्ववियु कार्यसमितिको पूर्ण संरचना सार्वजनिक गरिएको छ।
समानुपातिक तर्फका उम्मेदवारहरुको टुंगो लागेसंगै स्वतन्त्र विद्यार्थी युनियन कैलाली बहुमुखी क्याम्पसको नयाँ कार्यसमितिले पूर्णता पाएको हो ।
आज शुक्रबार स्ववियु निर्वाचन समितिले प्रतक्ष्य र समानुपनतिक दुबैतर्फ निर्वाचित पदाधिकारी र सदस्यरुको पूर्ण कार्यसमिति सार्वजनिक गरेको हो । जसअनुसार पदाधिकारी तर्फ अध्यक्ष सन्तोष पन्त, उपाध्यक्ष कमल कुमार ऐडी, सचिव ओम प्रकाश वस्ती, कोषाध्यक्ष धर्मराज तिमिल्सिना र सहसचिव कुवेरराज जैशी रहेका छन्।
त्यसैगरी, सदस्यहरुमा सरिता भट्ट, राम रोकाया, विनिता चौधरी, पुजन बिष्ट, जनक खड्का, राम बहादुर वोगटी, देवेन्द्र धामी, पुजा ओड, गणेश दहाल, आकाश भट्ट, गौरी सिंह, टेक साउँद, ओप प्रकाश जोशी, टेक बहादुर बोगटी, रोहित चनारा र निर्मल गौतम रहेका छन्।
निर्वाचन अधिकृत तथा सहायक क्याम्पस प्रमुख तर्कराज भट्टले हस्ताक्षर गरेको सूचनामा २१ सदस्यीय कार्यसमिति गठन भएको उल्लेख गरिएको छ।
विवाद भने कायमै
चैत २७ गते सम्पन्न निर्वाचनको मतदाता सूची सार्वजनिक भएदेखि नै विभिन्न विषयमा विवाद हुँदै आइरहेको छ भने विभिन्न संगठनले निर्वाचन समितिमाथि असन्तुष्टि व्यक्त गर्दै आइरहेका छन्।
यसैबीच, स्ववियु केएमसीको कार्यसमितिले पूर्णता पाएपनि नेविसंघका तर्फबाट समानुपातिकमा रहेकी पूर्व स्ववियु सदस्य गौरी सिंहले असन्तुष्टि जनाउँदा विवाद भने कायमै रहेको छ।
उनले भनिन्, “एकाएक नसोधिकन डरतरास धम्की दिएर सदस्यहरूलाई हस्ताक्षर गर्न लगाइयो।”
निर्वाचनभन्दा अगाडि संगठनमा(नेविसंघ) भएको सहमति विपरीत आफ्नै मनोमानी ढङ्गले नयाँ कार्यसमिति चयन गरिएको बारे आफ्नो असन्तुष्ट रहेको बताएकी छन्।
