धनगढी –धनगढीमा जारी राष्ट्रिय युवा संघ कप भलिबल प्रतियोगिता-२०८१ अन्तर्गत भोलि फाइनल खेल हुने भएको छ ।
धनगढी रंगशालामा चलिरहेको खुल्ला पुरुष भलिबल प्रतियोगितामा भोलि अर्थात बैशाख २ गते दिउँसो ३ बजे हुने फाइनलका लागि डोटी र दार्चुला भिड्ने भएका छन् ।
राष्ट्रिय युवा संघ नेपाल, सुदूरपश्चिम प्रदेश कमिटीको आयोजनामा चैत २९ गतेबाट धनगढी रंगशालामा सुरु भएको खुल्ला पुरुष भलिबल प्रतियोगितामा बैशाख २ गते भोलि फाइनल खेल हुने भएको हो ।
प्रतियोगितामा प्रथम हुने टोलीले नगद २ लाख २५ हजार रुपैयाँ, दोस्रो हुनेले १ लाख २५ हजार तथा तेस्रो हुने टोलीले ७५ हजार रुपैयाँ पुरस्कार प्राप्त गर्नेछ।
उक्त प्रतियोगिता लागुऔषध दुर्व्यसनविरुद्ध जनचेतना फैलाउने र युवाहरुलाई खेलकुदमार्फत सकारात्मक सोच, अनुशासन र नेतृत्व क्षमतातर्फ प्रेरित गर्ने उद्देश्यले आयोजना गरिएको हो।
राष्ट्रिय युवा संघ नेपाल, सुदूरपश्चिम प्रदेश कमिटीका अनुसार यस्ता गतिविधिहरूले युवाहरूलाई सशक्त, सक्रिय र जिम्मेवार नागरिक बन्न सहयोग पुर्याउने अपेक्षा गरिएको छ।
आयोजकद्वारा गरिएको निमन्त्रणा
