धनगढी – धनगढीको शिवपुरी उत्तररामेश्वर ज्योतिर्लिङ्ग धामको अध्यक्षमा मदनबहादुर कुँवर निर्वाचित भएका छन्।
शनिबार भएको कार्यसमिति चयनबाट व्यवसायी तथा समाजसेवी मदनबहादुर कुँवर निर्विरोध निर्वाचित भएका हुन्।
शिवपुरी धाममा रहेको शनि मन्दिर र हनुमान मन्दिरको दानदाता समेत रहेका कुँवर धामका पूर्व वरिष्ठ उपाध्यक्ष हुन्।
यस्तै धामको नवनिर्वाचित कार्यसमितिमा वरिष्ठ उपाध्यक्षमा योगेश मल्ल, उपाध्यक्षमा सीता खड्का र दानसिंह धामी निर्वाचित भएका छन् भने महासचिवमा भीमबहादुर कुँवर निर्वाचित भएका छन्।
यसैगरी सचिवमा खड्कसिंह ऐर र धनबहादुर भण्डारी, कोषाध्यक्षमा पुष्करराज अवस्थी र सहकोषाध्यक्षमा नरेश बहादुर शाह निर्वाचित भएका छन्।
यस्तै, हर्कबहादुर सिंह, तिलक बोहरा, फणेन्द्रराज अवस्थी, मन्जु भट्ट, बालिकादेवी कुँवर, लोकराज भट्ट, नरबहादुर बोहरा, सुरजबहादुर बोहरा र आशिष चन्द सदस्यमा निर्वाचित भएका छन्।
