काठमाडौं – प्रधानमन्त्री केपी शर्मा ओलीले ऊर्जा राज्यमन्त्री पूर्णबहादुर तामाङलाई पदमुक्त गरेका छन् ।
कार्यशैलीमा प्रश्न उठेपछि गृहमन्त्री रमेश लेखकले तामाङलाई राजीनामा दिन सुझाव दिएका थिए । तर, तामाङले राजीनामा नदिने अडान लिएपछि प्रधानमन्त्रीले उनलाई बर्खास्त गरेका हुन् ।
कांग्रेसबाट सरकारमा सहभागी तामाङ हालै नेपाल विद्युत प्राधिकरणका तत्कालीन कार्यकारी निर्देशक कुलमान घिसिङको बर्खास्तीविरुद्ध सार्वजनिक अभिव्यक्ति दिएर विवादमा आएका थिए ।
यस्तै, मन्त्रालयका सचिव सुरेश आचार्यसँगको विवाद र स्पष्टीकरण मागेको विषयले पनि उनलाई आलोचना थपेको थियो ।
