धनगढीःकैलालीको धनगढीमा लागूऔषधसहित पाँच जना पक्राउ परेका छन्।
धनगढी उपमहानगरपालिका–१ शिवनगरबाट सोही ठाउँ बस्ने १९ वर्षीय सुरज थापालाई ५० मिलिग्राम लागूऔषधसहित जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिएको हो।
धनगढी उपमहानगरपालिका–९ बङग्राकटानबाट सोही ठाउँ बस्ने २६ वर्षीय डम्बर ठगुन्ना १३० मिलिग्राम लागूऔषधसहित पक्राउ परेका छन्। यसैगरी धनगढी उपमहानगरपालिका–९ वडा कार्यालय नजिकबाट कञ्चनपुरको भीमदत्त नगरपालिका–१० बस्ने २६ वर्षीय तपेन्द्र पालीसहित ३ जना पक्राउ परेका छन्।
पालीले चलाएको सुदूरपश्चिम प्रदेश ०२–००३ प ५२०६ नम्बरको मोटरसाइकललाई चेकजाँच गर्दा पालीसहित मोटरसाइकल पछाडी सवार धनगढी उपमहानगरपालिका–९ बस्ने २५ वर्षीय महेश ओड र धनगढी उपमहानगरपालिका–१८ बस्ने २७ वर्षीय नवल बोहरा पक्राउ परेका छन्। यी तीनै जनाको साथबाट १ ग्राम ९१० मिलिग्राम खैरो हेरोइन र मोटरसाईकलसहित तिनै जनालाई जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिएको हो।
