चितवन – जीवनका लागि गीता ज्ञान अभियानको केन्द्रीय संयोजन समितिको केन्द्रीय संयजकमा डा हरी चन्द्र कमली चयन भएका छन्।
चितवनको भरतपुरस्थित होलि भिजन पब्लिक स्कुलमा जीवनका लागि गीता ज्ञान अभियानको केन्द्रीय संयोजन समिति र चितवन जिल्ला समिति घोषणा कार्यक्रमबाट डा हरी चन्द्र कमलीलाई सङ्कल्प कर्ता तथा संयोजकमा चयन गरिएको हो।
यस्तै केन्द्रीय सह संयोजकमा आचार्य सुरेन्द्र ओझा, सुदिप पौडेल, सुदन डोटेल, योगमाला सिर्जना मैनाली, नरहरि प्रेमी, हरिश्चन्द्र भण्डारी, दिना नाथ पण्डित, हरिहर भक्तियोगी, केशव अधिकारी, गिरी पन्थी, दिलराज पाठक, राजेन्द्र प्रसाद धिताल, बाबुराम पाण्डे, तीर्थराज वाग्ले, दिपा उप्रेती, धर्मराज अवस्थी, होमराज खड्का, बासुदेव भट्ट, तेज जङ्ग मल्ल, के बी मशाल र प्रभा शर्मा चयन भएका छन् भने “गीता फर लाइफ” अभियानमा सक्रिय रहेका १ सय ७० जना अभियान्ताहरु समितिको केन्द्रीय सदस्यमा चयन भएका छन्।
शुक्रबार भएको उक्त समिति घोषणा कार्यक्रममा डा चिन्तामणि योगी, प्रा डा गुरु प्रसाद सुवेदी,चैतन्य कृष्ण, डा गोविन्द शरण उपाध्याय, प्रा डा गोविन्दराज भट्टराई, प्रा डा कृष्ण चन्द्र शर्मा, प्रा डा विद्या नाथ कोइराला, प्रा डा माधव प्रसाद पोखरेल, प्रा डा वीण पौडयाल, प्रा डा बाल चन्द्र लुइँटेल, प्रा डा राम प्रसाद उप्रेती, डा निर्मलमणि अधिकारी, डा रघु नाथ नेपाल, पद्मराज जोशी प्रभात, डा मित्र परियार, योगिनी सरितानन्दी, दुर्गा न्यौपाने, आचार्य घनश्याम लेखक र बासुदेव काफ्ले केन्द्रीय समितिको सल्लाहकारका रुपमा रहने भएका छन्।
यसैगरी चितवन जिल्ला संयोजक समितिको संयोजकमा नारायण रेग्मी चयन भएका छन्।
यस्तै जिल्लाको सह संयोजकमा तीर्थराज वाग्ले, पण्डित विमल गौतम, बिष्णु भक्त न्यौपाने, जय नारायण सापकोटा र प्रदीप काफ्ले चयन भएका छन् भने “गीता फर लाइफ” अभियानमा सक्रिय रहेका ३० जना अभियान्ताहरु जिल्ला सदस्यमा चयन भएका छन्।
उक्त घोषणा कार्यक्रमबाट लेखनाथ खनाल, बासुराज पाण्डे, प्रेम कुमार गैरे, प्रेम प्रसाद सापकोटा र विष्णु हरि खनिया जिल्ला समितिको सल्लाहकारका रुपमा रहने भएका छन्।
चितवनको भरतपुर स्थित होलि भिजन पब्लिक स्कुलमा मिनराज बस्ताकोटीको सभापतित्वमा सम्पन्न भएको उक्त घोषणा कार्यक्रमको सञ्चालन हरिहर भक्तियोगिले गरेका हुन्।
यस्तै शिक्षाविद् लेखनाथ खनालको प्रमुख आतिथ्यता रहेको उक्त कार्यक्रममा सामाजिक, प्राज्ञिक तथा आध्यात्मिक व्यक्तित्वको उपस्थिति रहेको थियो।
