धनगढी । सुदूरपश्चिम प्रदेश सभाको विशेष अधिवेशनको पाँचौँ बैठक भोलि बस्ने भएको छ ।
बिहान ११ बजे प्रदेश सभाको बैठक बस्ने प्रदेश सभा सचिवालयले जनाएको छ ।
साउन पहिलो साता प्रदेश प्रमुख नजिर मियाँले सभाको विशेष अधिवेशन आह्वान गरेका थिए । विशेष अधिवेशनमा अहिलेसम्म प्रदेशको समसामयिक विषयमा छलफल हुन सकेको छैन ।
दीर्घबहादुर सोडारी नेतृत्वको प्रदेश सरकारले बजेट पारित गराउन नसकेपछि चालु आर्थिक वर्षको सुरुवातदेखि सुदूरपश्चिम प्रदेश बजेट शून्यताको अवस्थाबाट गुज्रिरहेको छ ।
नवनियुक्त मुख्यमन्त्री कमलबहादुर शाहले हिजो पदभार ग्रहण गर्दै बजेट शून्यताको अवस्थाको अन्त्यका लागि प्रदेश सरकारले छिट्टै छलफल अगाडि बढाउने बताएका थिए ।
