धनगढी – धनगढीमा तथ्याङ्क समन्वय कार्यालय स्थापना भएको छ। मङ्गलवार धनगढी-५, तारानगरमा कार्यालय स्थापना भएको हो।
सुदूरपश्चिम प्रदेशका प्रमुख सचिव डाक्टर हरिप्रसाद लम्सालले कार्यालयको उद्घाटन गरेका हुन्।
नेपाल सरकारले साविकका ३३ वटा तथ्याङ्क कार्यालय खारेज गरी १८ वटा तथ्याङ्क समन्वय कार्यालय स्थापना गर्ने निर्णयअनुसार कैलालीमा तथ्याङ्क समन्वय कार्यालय स्थापना भएको हो।
सुदूरपश्चिमको कैलाली र डोटीमा तथ्याङ्क समन्वय कार्यालय खुलेका हुन्। साबिकको तथ्याङ्क कार्यालयले गर्ने सम्पूर्ण काम अबदेखि तथ्याङ्क समन्वय कार्यालयबाट हुनेछ।
