बाजुरा । बाजुराको साँफे–मार्तडी राजमार्ग अन्तर्गत पर्ने बल्दे अम्कोट वैकल्पिक सडक निर्माणको काम तीव्र पारिएको छ ।
बर्खाको समय साँफे–मार्तडी राजमार्ग अन्तर्गत पर्ने बल्दे अम्कोट सडक अवरुद्ध हुने सम्भावना देखिएपछि सडक डिभिजन कार्यालय अछामले यसको विकल्पको रूपमा कन्र्सन अम्कोट हुँदै द्धारी सम्मको वैकल्पिक मार्ग निर्माणको काम तीव्र पारिएको हो ।
साँफे–मार्तडी राजमार्ग अन्तर्गत पर्ने बल्दे अम्कोट सडक बर्खाको समय पहिरोको कारण अवरुद्ध हुने गरेकोले यसको विकल्पको रूपमा कन्र्सन अम्कोट हुँदै द्धारी सम्मको एक किलो मिटर सात सय मिटर सडकमा ग्याबिन नाला तथा ग्राभेल गर्ने काम स्वाँर पिके जेबीलाई झन्डै एक करोड नब्बे लाखमा जिम्मा दिएको सडक डिभिजन कार्यालय अछामले जनाएको छ ।
