बझाङ –समाजसेवी किसन बहादुर बोहराले सय जना विद्यार्थीहरुलाई झोला वितरण गरेका छन्।
बझाङको सुर्मा गाउँपालिका २ का युवा किसन बहादुर बोहराले जन्मदिनका अवसरमा बुधबार र शुक्रबार एक सय जना विद्यार्थीलाई झोला वितरण गरेका हुन्।
बझाङको सुर्मा गाउँपालिका २ मा रहेका आधाबगर मावि, डोगडी, दलित आवि, गुरैना, नन्दादेवी आवि, धनिधारा र इश्वर मावि भजनपाटा गरि ४ विद्यालयका एकल महिलाका छोराछोरीलाई झोला वितरण गरिएको बोहराले बताएका छन्।
वितरण कार्यक्रममा सुर्मा गाउँपालिकाका अध्यक्ष खडक बहादुर बोहराको प्रमुख आतिथ्यता रहेको थियो भने, सुर्मा गाउँपालिका वडा नम्बर २ का वडा अध्यक्ष सुरेन्द्र बहादुर बोहरा, पालिकाका, प्रमुख प्रशासकीय अधिकृत लक्ष्मीराज जोशी, नेपाली काङ्ग्रेस बझाङ जिल्ला क्षेत्रीय सचीव कलकबहादुर बोहरा र धलदेउ माविका विद्यालय व्यवस्थापन समितिका अध्यक्ष चक्र बहादुर बोहराको विशिष्ट आतिथ्यता रहेको थियो।
कार्यक्रममा ४ वटै विद्यालयका प्रधानाध्यापक, शिक्षक तथा विद्यार्थीहरुको उपस्थिति रहेको थियो।
