काठमाण्डौं –पर्साको वीरगञ्जमा अहिलेसम्म एक सय ५० जनामा हैजाको सङ्क्रमण पुष्टि भएको छ ।
यसमध्ये ७६ जना उपचारपछि डिस्चार्ज भएका र बाँकी ७४ जनाको उपचार भइरहेको स्वास्थ्य कार्यालय पर्साका जनस्वास्थ्य अधिकृत धनी सिंहले जानकारी दिए ।
हिजो मात्रै थप झाडापखालाका ८४ जना नयाँ बिरामी थपिएका छन । अहिलेसम्म झाडापखालाका छ सय २५ बिरामीहरु भर्ना भएकोमा एक सय ५० जनामा हैजा सङ्क्रमण देखिएको हो । एक सय ८७ जनाको विभिन्न अस्पतालहरुमा उपचार भइरहको स्वास्थ्य कार्यालय पर्साले जनाएको छ ।
झाडापखालाका चार सय ३७ जना बिरामी उपचारपछि घर फर्किएको जनस्वास्थ्य अधिकृत सिंहले जानकारी दिए । महानगरमा हैजा नियन्त्रणका लागि तीनवटै तहका सरकार सक्रिय छन् । जनचेतनामुलक कार्यक्रमहरु पनि भइरहेको स्वास्थ्य कार्यालय पर्साले जनाएको छ ।
सरकारले हैजा नियन्त्रणउन्मुख रहेको दाबी गर्दै पानीका स्रोतको शुद्धीकरण, जनचेतना र औषधीसहितको दक्ष स्वास्थ्यकर्मीको व्यवस्थापन गर्ने काम भइरहेको जनाएको छ ।
