धनगढी –धनगढीमा अनुसन्धान तथा आविष्कार केन्द्र सुदूरपश्चिमको आयोजनामा प्रेसिडेन्टिसियल ग्राजुएट स्कुल प्रेजेन्स ‘युवा खोज, आविष्कार तथा प्रविधि महोत्सव’ हुने भएको छ।
सुदूरपश्चिममा बदलिँदो समय र आधुनिक प्रविधिको विकासलाई ध्यानमा राख्दै यही माघ ८ र ९ गते धनगढीको ओम पार्टी प्यालेसमा उक्त महोत्सव आयोजना हुने भएको हो।
नयाँ सोच, सिर्जनशीलता र नवप्रवर्तनलाई प्रोत्साहन गर्न ‘युवा खोज, आविष्कार तथा प्रविधि महोत्सव’ आयोजना गरिने आयोजकले जनाएको छ।
यस महोत्सवले सुदूरपश्चिमका युवाहरूको प्रतिभा उजागर गर्न, नविनतम प्रविधिको प्रयोगबारे जानकारी गराउन र उनीहरूको सिर्जनशीलतालाई नयाँ उचाइमा पुर्याउन महत्वपूर्ण भूमिका खेल्ने अपेक्षा गरिएको अनुसन्धान तथा आविष्कार केन्द्र सुदूरपश्चिम प्रदेशका अध्यक्ष दिपेन्द्र जोशीले बताएका छन्।
महोत्सवका मुख्य आकर्षणहरू
१. रोबोटिक्स प्रतियोगिता:
रोबो फुटबल: प्रविधिमा रुचि राख्ने विद्यार्थीहरूले फुटबल खेल्ने रोबोटहरू निर्माण गरी प्रतिस्पर्धा गर्नेछन्।
रोबो रेस: तीव्र गतिको रोबोट रेसमा सहभागीले आफ्नो दक्षता प्रदर्शन गर्नेछन्।
रोबो अखाडा: रोबोटले रोबोटसँग प्रतिस्पर्धा गर्ने रोचक अखाडा।
२. विज्ञान प्रदर्शनी (Science Exhibition):
कम्युनिटी इम्प्याक्ट: समाजमा सकारात्मक प्रभाव पार्ने नवीनतम विचार र परियोजनाहरू।
प्रब्लम सोल्भिङ: समस्याहरू समाधान गर्न विद्यार्थीहरूको सिर्जनशीलता प्रदर्शन।
बेस्ट इन्जिनियरिङ: उत्कृष्ट इन्जिनियरिङ कौशल प्रस्तुत गर्ने अवसर।
मोस्ट इनोभेटिभ: नविनतम र अनौठा विचारहरूको सम्मान।
सहभागिताका लागि विद्यार्थीहरूले रिसर्च एण्ड इनोभेसन सेन्टर सुदूरपश्चिमको आधिकारिक फेसबुक पेज वा कल/मेसेजमार्फत दर्ता गर्न सक्नेछन्। यस महोत्सवमा सुदूरपश्चिम सामाजिक विकास मन्त्रालय, प्रदेश युवा परिषद् र अर्चिद इन्टरनेसनल कलेज मुख्य सहयोगीका रूपमा रहनेछन्।
महोत्सवबारे कार्यक्रम संयोजक सुरज खड्काले भने, “तपाईं किन आउनुपर्छ? यो महोत्सव केवल प्रतियोगिता होइन, सुदूरपश्चिमको भविष्य निर्माण गर्ने प्लेटफर्म हो। युवाहरूको ऊर्जा, सिर्जनशीलता र प्रविधिमा रुचिलाई अघि बढाउन हामी सबैको साथ र सहभागिता आवश्यक छ। त्यसकारण सहभागी बनौँ र नयाँ युगको निर्माणमा योगदान गरौँ।”
सिर्जनशीलता र प्रविधिमा आधारित यो महोत्सवले सुदूरपश्चिमका युवाहरूलाई नवप्रवर्धनतर्फ प्रेरित गर्दै नयाँ सोच र सीप विकासमा टेवा पुर्याउने विश्वास गरिएको छ।
