काठमाण्डौं – खो–खो विश्वकपको पुरुषतर्फ नेपालले लगातार तेस्रो जीत हासिल गरेको छ ।
समूह चरणको अन्तिम खेलमा आज भुटानलाई ९८–८ ले हराउँदै नेपालले तेस्रो जीत हासिल गरेको हो । यसअघि नेपालले ब्राजिल र पेरुलाई हराएको थियो भने भारतसँग पराजित भएको थियो ।
यस्तै खो–खो विश्वकपको महिलातर्फ नेपालले समूह चरणको अन्तिम खेलमा आज पौने ५ बजे बङ्गलादेशसँग खेल्दैछ । महिलातर्फ समूह चरणको खेलमा नेपाल अपराजित छ । महिला टोलीले पहिलो खेलमा भुटान, दोस्रो खेलमा जर्मनी र तेस्रो खेलमा हिजो श्रीलङ्कालाई हराएको थियो ।
समूह चरणको खेलपछि शीर्ष दुईटोली क्वाटरफाइनलमा पुग्नेछन् । क्वाटरफाइनल खेल भोलि हुनेछन् । यस्तै फाइनल खेल आउँदो आइतवार हुनेछ ।
