बैतडीः बैतडीमा चट्याङ लागेर ७ पशुचौपाया मरेका छन्।
जिल्लाको सुर्नया गाउँपालिका–६ धुलिधार र खर्काधार टोलमा शनिबार दिउँसो परेको चट्याङले घरपालुवा पशुचौपायामा क्षति पुगेको जिल्ला प्रहरी कार्यालय बैतडीका प्रवक्ता एवं प्रहरी निरीक्षक बलराम पाण्डेयले बताए। विद्युतको लाइनमा परेको चट्याङले क्षति पुगाएको हो।
चट्याङ लागेर सुर्नया गाउँपालिका–६ खर्काधारका प्रकाश अवस्थीको एक भैंंसी मरेको छ भने धुलिधारमा ६ पशुचौपाया मरेका छन्। यस्तै पदमराज अवस्थीको एक बाख्रो र एक बाच्छो, कृष्णदत्त अवस्थीको एक गोरु, हरिदत्त अवस्थीको एक बाख्रो, लिलाधर अवस्थीको एक बाख्रो र दामोदर अवस्थीको एक राँगो मरेको प्रहरीले जनाएको छ।
