धनगढी – धनगढीको ऐश्वर्य बहुमुखी क्याम्पसमा विद्यार्थी साहित्य महोत्सव मनाइएको छ ।\
मङ्गलबार ऐश्वर्य साहित्य प्रतिष्ठानको आयोजनामा “सुदूरपश्चिमको शान, पठन संस्कृति अभियान” भन्ने नाराका साथ क्याम्पसमा उक्त कार्यक्रम गरिएको हो ।
साहित्कार तथा लेखक रामलाल जोशीद्धारा लेखिएको आख्यान “बाआमा“ र गायक, संस्कृतिविद् तथा लेखक यज्ञराज उपाध्यायद्धारा लेखिएको कालीकर्णालीको लोकसाहित्य तथा संस्कृतिमा केन्द्रित रही विभिन्न क्षेत्रमा कार्यरत समाजसेवी तथा शिक्षाप्रेमी व्यक्तिहरुको उपस्थितिमा उक्त विद्यार्थी साहित्य महोत्सव मनाइएको छ ।
ऐश्वर्य बहुमुखी क्याम्पसका क्याम्पस प्रमुख धर्मदेव भट्टको प्रमुख आतिथ्यता रहेको उक्त कार्यक्रममा प्रतिष्ठानका महासचिव महेशराज बडुको अध्यक्षता रहेको थियो ।
कार्यक्रममा बोल्दै साहित्यकार रामलाल जोशीले पठन संस्कृतिको विकासका लागि क्याम्पसहरुमा यस प्रकारका कार्यक्रम भइरहनुपर्ने बताएका छन् ।
यस्तै कार्यक्रमका प्रमुख अतिथि तथा क्याम्पस प्रमुख धर्मदेव भट्टले बाआमा र कालीकर्णालीको लोकसाहित्य तथा संस्कृति पुस्तक ऐश्वर्यका सबै विद्यार्थीको हातमा पुगेको र यसबाट उनीहरुमा पठन संस्कृतिको विकास हुने बताएका छन् ।
