काठमाडौं :अमेरिकाको विस्कन्सिन राज्यको म्याडिसनस्थित एक विद्यालयमा गोली चल्दा तीन जनाको मृत्यु भएको छ।
गोली लागेर ६ जना घाइते भएका छन्। म्याडिसनस्थित एम्बुडेन्ट लाइफ क्रिश्चियन विद्यालयमा गोली प्रहारको घटना भएको हो। घाइते ६ मध्ये दुई विद्यार्थीको अवस्था गम्भीर छ।
मृत्यु हुनेमा एक जना शिक्षक र १७ वर्षीया छात्रा छन्। गोली चलाउने व्यक्ति सोही विद्यालयका छात्र रहेको र उनी पनि मारिएको बताइएको छ। प्रहरी घटनास्थलमा पुग्नुअघि नै उनको मृत्यु भएको बताइएको छ।
उनले गोली किन चलाए भन्ने खुल्न बाँकी रहेको र छानबिन सुरू गरिएको प्रहरीले जनाएको छ। छानबिनका लागि केन्द्रीय र स्थानीय प्रहरी सहित एफबीआईको टोली समेत खटेको बताइएको छ।
उक्त विद्यालयमा करिब चार सय विद्यार्थी अध्ययनरत छन्।
