अत्तरिया – नेपाल महिला संघ गोदावरी नगर समितिद्वारा अत्तरियाको पदमा अस्पतालमा रहेका बिरामीहरूलाई फलफुल वितरण गरिएको छ।
काङ्ग्रेस नेत्री नेपाल महिला सङ्घकी संस्थापक अध्यक्ष स्वर्गीय मंगलादेवी सिंहको सयौं जन्मोत्सवको उपलक्ष्यमा सहयोग दिने विशेष अभियान अन्तर्गत बिरामीहरूलाई फलफुल वितरण गरिएको हो।
कार्यक्रममा सुदूरपश्चिम प्रदेश सभा सदस्य तुलसी देवकोटाको प्रमुख आतित्यता रहेको थियो। यस्तै नेपाली कांग्रेस क्षेत्र नम्बर ४ कैलालीका क्षेत्रीय पार्टी सभापति बसन्त रोकाया, नेपाली कांग्रेसका नेता सुरत कार्की लगायतको उपस्थितिमा अस्पतालमा बिरामीहरूलाई फलफूल वितरण गरिएको नेपाल विद्यार्थी संघ, गोदावरी नगर सभापति दिलबहादुर बुढाथोकीले जानकारी दिएका छन्।
महिला जागरणको लागि नेपाल महिला सङ्घकी संस्थापक अध्यक्ष स्वर्गीय मंगलादेवी सिंहको महत्त्वपूर्ण भूमिका रहेको बताइएको छ।
