धनगढी –धनगढीको त्रिनगर माविकी शिक्षक श्रद्धा श्रेष्ठलाई विद्यालयको ४८ औँ वार्षिकउत्सवमा सम्मानित गरिएको छ।
२०८० सालको एसईईमा अंग्रेजी विषयमा ८५ दशमलव ६० प्रतिशत विद्यार्थी उत्तीर्ण गराउन सफल शिक्षक श्रद्धा श्रेष्ठलाई सम्मान गरिएको हो।
शिक्षक श्रेष्ठलाई विद्यालयको ४८ औँ वार्षिकउत्सवका प्रमुख अतिथि तथा सुदूरपश्चिम प्रदेशका सामाजिक विकास राज्यमन्त्री सरस्वती खड्काबाट नगद दुई हजार ५ सयसहित प्रशंसापत्रद्वारा सम्मान गरिएको विद्यालयका शिक्षक तीर्थराज पाण्डेयले बताएका छन्।
यस्तै सामुदायिक विद्यालय र त्यसमाथि पनि १ सयभन्दा बढी विद्यार्थी सङ्ख्या रहेको त्रिनगर माविबाट अङ्ग्रेजी विषयमा गुणस्तरीय नतिजा आउनु विद्यालयका लागि गौरवको विषय भएको विद्यालयका शिक्षक प्रकाश छेडालले बताएका छन्।
