काठमाण्डौं – चालू आर्थिक वर्ष २०८१/८२ को पहिलो महिनामा चार अर्ब १९ करोड रुपैयाँको बिजुली भारततर्फ निर्यात भएको छ ।
नेपाल विद्युत् प्राधिकरणले साउनमा देशभित्र खपत गरी बाँकी भएको वर्षायामको बिजुली भारततर्फ निर्यात गरी चार अर्ब १९ करोड ३९ लाख २४ हजार रुपैयाँ आम्दानी गरेको छ ।
साउनमा दैनिक रूपमा १३ करोड ११ लाख रुपैयाँको बिजुली निर्यात भएको हो । साउनमा निर्यात भएको बिजुलीको औसत दर प्रतियुनिट ८ रुपैयाँ ५१ पैसा रहेको प्राधिकरणले जनाएको छ ।
