धनगढी – कैलालीको धनगढी उपमहानगरपालिका–८ धनगढी गाउँका २२ वर्षीय अर्जुन पार्की लागूऔषधसहित पक्राउ परेका छन्।
उनी ११० मिलिग्राम लागुऔषधसहित आइतबार दिउँसो पक्राउ परेका हुन्। जिल्ला प्रहरी कार्यालय कैलालीबाट खटिएको प्रहरीले उनलाई उक्त पदार्थसहित पक्राउ गरेको हो।
यसैगरी, धनगढी–१० घुइयाघाट जयगुरू गणेश इँटाभट्टा नजिकबाट ५५० मिलिग्राम लागुऔषधसहित प्रहरीले ३ जनालाई आइतबार दिउँसो पक्राउ गरेको छ।
धनगढी उपमहानगरपालिका–१० घुइयाघाटका ३० वर्षीय नाटुल भन्ने राम मिलन राना, ३४ वर्षीय राजेश राना र धनगढी–३ का २४ वर्षीय सन्नी चौधरी पक्राउ परेको प्रहरीले जनाएको छ।
जिल्ला प्रहरी कार्यालय कैलालीबाट खटिएको प्रहरीले उनीहरूलाई लागुऔषधसहित नियन्त्रणमा लिएको छ।
