काठमाण्डौँ – प्रतिनिधिसभाको शिक्षा, स्वास्थ्य तथा सूचना प्रविधि समिति सभापति अम्मरबहादुर थापाले शिक्षक कर्मचारीले कुनै पनि राजनीतिक दलको सदस्यता लिएको प्रमाणित भए पदबाट तत्काल हटाउने गरी शिक्षा ऐनमा व्यवस्था हुने बताएका छन्।
शिक्षक आन्दोलन स्थगितपछि एक टेलिभिनज अन्तर्वार्तामा बोल्दै सभापति थापाले शिक्षा ऐनमा शिक्षकहरू एक टे«ड युनियन रहने र शिक्षकले राजनीतिक दलको सदस्यता लिएको प्रमाणित भए पदबाट हटाउने व्यवस्था ऐनमा हुने बताए।
उनले भने, ‘शिक्षक कर्मचारीहरू प्रत्येक दलको संगठन रहनेबाट वञ्चित हुन्छन्। दलीय सदस्यता प्रमाणित भएमा स्वतः पद खारेज हुनेछ। जुन शिक्षकले कुनै राजनीतिक दलको सदस्यता बोक्छ उसको जागिर चैट हुन्छ। अब राजनीतिक दलको सदस्यता लिन शिक्षकहरूले पाउँदैन।’
सभापति थापाले शिक्षकहरूले निजामती सेवा सरह सेवा सुविधा प्राप्त गर्ने पनि बताए।
