धनगढी –ऐश्वर्य बहुमुखी क्याम्पसका प्राध्यापकहरुको साझा संगठन पब्लिक क्याम्पस प्राध्यापक संघ (PUCTA) को सातौं अधिवेशनबाट
सह प्राध्यापक नारायण अवस्थीको अध्यक्षतामा नयाँ क्याम्पस इकाई कार्यसमिति सर्वसम्मत रुपमा छनौट गरिएको छ।
नयाँ कार्यसमितिमा सभापती: सह प्रा. नारायण अवस्थी, उपसभापतीः सह प्रा. ओम प्रकाश पाण्डेय, सचिवः उप प्रा. गोविन्द राज उपाध्याय, कोषाध्यक्षः उप प्रा. चेतराज भट्ट र उपसचिवः उप प्रा. देवराज ओझा चयन भएका छन्।
यस्तै कार्यसमितिको सदस्यमा सह प्रा. पुष्पराज पाण्डेय, सह प्रा. चन्दा पाठक, उप प्रा. कौशिल्या सापकोटा, उप प्रा. मुकेश चन्द, उप प्रा. हरि प्रसाद भट्ट र उप प्रा. आनन्द प्रकाश जोशी चयन भएका छन्।
सङ्घका निवर्तमान सभापती खेमराज पन्तको अध्यक्षतामा चैत २३ गते सम्पन्न सँगको सातौं अधिवेशनमा क्याम्पस सञ्चालक समितिका अध्यक्ष नृप बहादुर वडको प्रमुख आतित्यथा रहेको थियो।
कार्यक्रमको उद्घाटन सत्रमा प्रमुख अतिथि लगायत विशिष्ट अतिथिद्वय क्याम्पस प्रमुख धर्मदेव भट्ट तथा ऐश्वर्य विद्या निकेतनका नि. प्राचार्य सञ्जय कुमार पन्तले अधिवेशनको सफलताको शुभकामना व्यक्त गरेका छन्।
सङ्घकाका केन्द्रिय सदस्य एवं सह प्राध्यापक रघुविर भट्टले स्वागत मन्तव्य दिँदै प्राध्यापक संघको काम, कर्तव्य, अधिकार र क्याम्पसको विकास तथा यसको भूमिकाको बारेमा चर्चा गरेका थिए।
उक्त कार्यक्रमको सञ्चालन प्राध्यापक संघका सचिव सह प्राध्यापक ओम प्रकाश पाण्डेयले गरेका थिए।
यसैगरी सह प्रा. धर्मदेव भट्ट, सह प्रा. नरेश पन्त, सह प्रा. रघुविर भट्ट, सह प्रा. खेमराज पन्त, सह प्रा. लीलाधर सापकोटालाई केन्द्रीय प्रतिनिधि चयन गरिएको छ।
