काठमाडौं : एन्फा महिला लिग फुटबलमा शनिबार विभागीय डर्बी खेल हुँदैछ।
लिगको अन्तिम चरणको खेलअन्तर्गत अपराह्न १२ बजे एन्फा कम्प्लेक्स सातदोबाटोमा लिग लिडर एपीएफ र त्रिभुवन आर्मीबीच प्रतिस्पर्धा हुने भएको हो।
पछिल्ला खेलमा यी दुवै टोली अपराजित छन्। बुधबार भएको खेलमा विभागीय टोली आर्मीले वालिङ नगरपालिकाविरुद्ध १२–० गोलको जित निकालेको थियो। यस्तै एपीएफले पनि वालिङविरुद्ध ९-० गोलको फराकिलो जित निकालेको थियो। यस्तै एपीएफले पुलिसविरुद्ध ६-० गोलको जित निकालेको थियो। महिला लिगमा उत्कृष्ट लयमा देखिएका यी दुवै टोलीको यो खेल सनसनीपूर्ण हुने अनुमान गरिएको छ।
शुक्रबार भएको खेलमा बागमती युथ क्लबले पहिलो जित निकालेको थियो । उसले वालिङ नगरपालिकाविरुद्ध २-० गोलको जित निकालेको हो ।
