एजेन्सी :इंग्लिस प्रिमियर लिग फुटबलमा आज ६ वटा खेल हुँदैछन् ।
आजको पहिलो खेलमा नेपाली समय अनुसार राति सवा ८ बजे साविक विजेता म्यानचेस्टर सिटी र लेस्टर सिटीबीच खेल हुनेछ ।
अङ्कतालिकामा सिटी १८ खेलमा २८ अंकसहित तालिकाको सातौँ स्थानमा छ । सिटी शीर्षस्थानको लिभरपुलभन्दा १४ अंकले पछाडि छ । लेस्टरसिटी समान खेलमा १४ अंकसहित पुछारबाट तेस्रो स्थानमा छ ।
त्यस्तै राति पौने ९ बजे चार वटा खेल हुँदैछन् । यी खेल एभर्टन र नटिङघम फरेस्ट, क्रिस्टल प्यालेस र साउथह्याम्पटन, टोटनहम र उल्भ्स, फुलहम र बर्नमाउथबीच हुनेछ ।
त्यस्तै आज राति ११ बजे वेस्टह्याम र लिभरपुलले खेल्दैछन् । लिभरपुल १७ खेलमा ४२ अंकका साथ तालिकाको शीर्ष स्थानमा छ । वेस्टह्याम १८ खेलमा २३ अङ्कका साथ तालिकाको तेह्रौ स्थानमा रहेको छ ।
